දිනුවා..!!!

.
සුව පහසු නින්දෙන් චරකව අවදි කලේ අම්මාය.
"පුතේ පුතේ අද මෙන්ටිසෝරියෙ කොන්සට් එක දවස..
පුතාලගෙ ඉවෙන්ට් එකයි ඉස්සෙල්ලම තියෙන්නෙ
ඉක්මණට නැගිටලා ලෑස්තිවෙමු.."

හැන්දෑවේ රාජකාරියෙන් ගෙදර ඒමට ප්‍රථම තාත්තා අම්මාට ඇමතුමක් දුන්නා චරක අසාගෙනය.
"මොකද වුණේ..?"
"ගෙදර එන්නකො.. ආහම මම කියන්නම්.."
අම්මා මුහුණෙහි මන්දහාසයක් රඳවමින්ම පිළිතුරු දුන්නාය..

"ඔන්න මෙයාලගෙ ගෲප් එක ෆස්ට් ආවා...
මෙයා තමා බෙස්ට් පර්ෆෝමර්..."
තාත්තා චරකව බිම තැබුවේ ඉහටත් උඩින් ඔසවා වට දෙක තුනක් කරකැවීමෙන් අනතුරුවය...
----------------------------------------------------------------------------------------------
"චරකව මොන ඉස්කෝලෙටද අනෙ දාන්න හිතාගෙන ඉන්නෙ ඔයාලා...?
හස්බන්ඩ් අරකෙ ඕල්ඩ් බෝයි හින්දා අමාරු වෙන එකක් නෑ නේද...?"  
වින්ධ්‍යා නැන්දා අම්මාගෙන් විමසනු චරක අසා සිටියේය.

"ඔව්.. හස්බන්ඩ්ගෙ කොලිෆිකේෂන් එක්ක ලිස්ට් එකේ උඩටම වගේ ඉන්න ඕන මගෙ කොල්ලා..."
අම්මා චරක දෙස බලමින්ම පිළිතුරු දුන්නාය.
එය එළෙසම ඉටුවිණි....
----------------------------------------------------------------------------------------------
"අනෙක් විභාග වගේ නෙමෙයි පුතේ මේක... මුල ඉඳලම වැඩේ අල්ලගෙන යන්න ඕන"
තාත්තා කීවේ සූරිච්හි ගුවන් යානය පහත් කරන්නට ඔන්න මෙන්න තියා කරමින් සිටි කථාව නවත්වමිනි.
ඒ සංචාරය, සාමාන්‍ය පෙළ ඉහලින්ම සමර්ථ වෙන බවට චරක තාත්තා සමග ඇල්ලූ ඔට්ටුවට ලැබුණකි.
----------------------------------------------------------------------------------------------
 "මොකද දැන් කරන්නෙ කරන්නෙ ලංකාවෙ යුනි යනවද එළියට යනවද?
ඔය රිසල්ට් එකෙන් ඕන දෙයක් කරන්න බැරියෑ..."
තාත්තා මහත් ආදරෙන් තමාගෙ හිස සිපගනු චරකට සිහිනයකින් මෙන් මතක තිබිණ.
----------------------------------------------------------------------------------------------
 චරකට තමා ලංකාවේ විශ්ව විද්‍යාලයට යන්නට ගත් තීරණය හරියැයි සිතෙන්නට වැඩිකලක් ගියේ නැත...
"මචං බලාගෙන.. බැච් එකේ ලස්සනම එක හරිද...
දැනටම හතර පහක් ඇනගෙන ඉන්නෙ... සින්නො දෙන්නෙකුත් එක්කම....
ඒ නිසා මිෂන් ෆේල් වුණොත් ඉතින් වහකෑම තමයි.."
මිතුරන් අමන්දා ගැන තමන්ට අනතුරු ඇඟවූහ.
චරකට පැරදුම නුහුරුය... නුපුරුදුය...
----------------------------------------------------------------------------------------------
"අමන්දා ජී එම් පෝස්ට් එකට ඔන්න මාව ප්‍රොපෝස් වෙලා අද..
අපි අර කථා වුණා වගේම...
අපි බලාපොරොත්තුව නොහිටිය දෙයක් නෙමෙයි වුණත් ඉතින් ඕක අතට ලැබුණම තව ටිකක් රෑ වෙයි ගෙදර එන්න.."
චරක පැවසුවේ මද ආඩම්බරය සඟවාගත් සිනහවකිනි...

"මගෙන්නම් අවුලක් නෑ...
එත් ඉතින් තාත්තා එනකල් රැකගෙන බලන් ඉන්න ජෝඩුව එක්ක විසඳාගන්න වෙයි..."
අමන්දාගේ මන්දහාසය චරකට සිහිකලේ තම මවගේ නිරතුරුවම සිනා රැඳී මුහුණය
----------------------------------------------------------------------------------------------
"මීට වඩා හොඳ දොස්තර කෙනෙක් නෑ අම්මෙ මේ වැඩේට..
අනිත් එක මම ටිකක් පර්සනලිත් දන්නවත් එක්ක ඒ සර්ජන්ව...
අපට වඩා  බැචස් තුනක් විතර උඩින් හිටියේ.... "
චරකගේ වැඩිමහලු දියණිය අමන්දාව අස්වැසුවාය

"තාත්තාව හොල්ලන්න එපා කියන නිසයි ප්‍රස්නෙ...
නැත්නම් මට හෙටම උනත් එහෙ එක්ක ගිය හැකි......"
බාල දියණිය ගුවන් තොටුපලෙන් ආ වෙලාවේ සිටම සිටියේ අමන්දාඅගෙ අත නෑරය....
----------------------------------------------------------------------------------------------
"ඩොක්ටර්ස්ලා කරන්න තියන හැමදේම ඉස්තරම්ම විදිහට කලා අම්මේ...
දැන් ඉතින් අපට තියෙන්නෙ බලන් ඉන්න...
අම්මත් දැන් ටිකක් රෙස්ට් කරන්න..
නංගියි මල්ලියිත් ඉන්නවනේ...
මම පොඩ්ඩක් දැන් ගෙදර යනවා...
හෙට පුනර්ජීවගෙ එලකියුෂන් කම්පිටිෂන් එක...
මම නැතුව මොකුත් කරන්නෑනෙ අම්ම එයා...
පුතාව හෙට ඒකට දාලා අනෙක් පැත්තට එන්නම්.."

මෙලොව එළිය සදහටම නිවී යන්නට කලින් චරකට අවසිහියෙන් මෙන් කන වැකුණු අවසාන වදන් පෙළ ඒ විය.
----------------------------------------------------------------------------------------------



දිනුවා.... බුදු ශ්‍රී බෝසතා
වෙසඟේහී පොහොය දිනේ.....
ශ්‍රී මහ බෝධී මූලෙහි පැහැදී
රම්‍ය වජ්‍රාසනේහී......
දිනුවා බුදු ශ්‍රී බෝසතා
වෙසඟේහී පොහොය දිනේ.....

ආ දස බිම්බර ඒ මර සේනා
ක්‍රෝධයනී දිලිහීයේ....
පරමිතා ශ්‍රී ධර්ම බලේ පා
මාරයා පරදා.......
දිනුවා බුදු ශ්‍රී බෝසතා
වෙසඟේහී පොහොය දිනේ

සුර බඹ සේනා සාධු නදේ පා
පුදකෙරුවා ජය ඝෝෂා
ලෝ දා කම්පාවීය විදා පා
ඒ සිදුහත් කුමරා........
දිනුවා බුදු ශ්‍රී බෝසතා
වෙසඟේහී පොහොය දිනේ....

12 comments :

  1. පෝයට පන්සලකට ගිහිං සිල් ගත්තට වඩා පහසුවෙන් සිත නිවුනා.. :)

    ReplyDelete
  2. පුංචි සංකල්පයක් අගනා විදියට ගොඩ නගලා.... අගෙයි..

    ReplyDelete
  3. දිනුවා කියා දැක්කාම මට නම් සිහිවුනේ මෙන්න මේ ගීතයයි!

    නිම් හිම් සෙව්වා මා සසරේ
    හමුවී යුගයෙන් බැඳි යුගයේ

    ReplyDelete
  4. Superb post TD.

    Btw, what's the migraine-inducing revolving halo on top?

    ReplyDelete
    Replies
    1. තිසාගෙ ඛ්‍යාමප්‍රභාව...

      Delete
    2. වින්ධ්‍යා, අමන්දා, ගැවසෙන පුනර්ජීවයෙන් පුනර්ජීවයට යන චරකය

      Delete
  5. පද රචකයා, ගායකයා,සංගීතවේදියාගේ නම් ද සඳහන් කරයි නම් සුදුසු බව සිතමි. ඔබට දීඝායු !

    ReplyDelete
  6. Sasara dhiniima thamayi uthum. Thissa malli obata e maga jayama weva !

    ReplyDelete
  7. Ath heriya yuthu bo ruka mula badaa ganna samajaye owani geetha itha hoda artha kathanayan denawa.kalaye weli thalawen wasennata sarasena sonduru geetha rakina oba semata theruwan saranai.ahambayen blog pituwa hambawune...sathutui godaak..kalaawata geethayta adre karana aya innawa kiyla daneddi..

    ReplyDelete

 
Blogger Wordpress Gadgets