නොසැලෙන් මලණුවනී...

ඔබ යන ගමනේ මාවත අවුරා ගැරහුම් අවමන් අවි ඔසවා ඇත...
කැට මුගුරෙන් රළු පහර වැදී ලෝහිත ගංගා ගලා ගියාවේ..
මලණුවනී නොසැලෙන් මලණුවනී...

කඳුලින් උපන්නෙමී ගැරහුම් අසමින් ඉණූ කඳුලකින්...
ලෝකය හැඳින්නෙමී...
ඵල ඇති ගසටයි පහර වැදෙන්නේ සඳු දැක සිව්පාවුන් මොරදෙන්නේ...
ක‍ටු පඳුරින් දස දෙසම වැසී හදවත් ඉකිබිඳිමින් හැඬුවාවේ...
මලණුවනී නොසැලෙන් මලණුවනී...
කඳුලැල් විඳින්නෙමී ගැරහුම් අවමන් මල්දම් සේ ගෙන...
නව මං සොයන්නෙමී...

ඔබ යන ගමනේ මාවත අවුරා ගැරහුම් අවමන් අවි ඔසවා ඇත...
කැට මුගුරෙන් රළු පහර වැදී ලෝහිත ගංගා ගලා ගියාවේ..
මලණුවනී නොසැලෙන් මලණුවනී...

12 comments :

චේජනාMay 1, 2011 at 5:49 AM
මැයි දින සැමරුම...

නිවාඩු ද අද? උදේ පාන්දරම ඇවිත් තියෙන්නෙ ?
මාරයාගේ හෝරාවMay 1, 2011 at 6:15 AM
මැයි දින සැමරුමටත් වඩා උඹේ පද වැල මට වෙනත් විදියකින් හයියක්...
යෝගී...May 1, 2011 at 6:40 AM
ඵල ඇති ගසටයි පහර වැදෙන්නේ - සඳු දැක සිවුපාවුන් මොර දෙන්නේ..
අන්න කතා කියනවනං :)
කතන්දර KathandaraMay 1, 2011 at 7:30 AM
ගායනය රුක්මනී දේවී නේද? වික්ටර් කොල්ලා කාලේ මයෙ හිතේ.

මල්ලීට ඇත්තේ එක හදවතක් පමණක් නිසා හදවත්නොව හදවත ඉකිබිඳිමින් ඇඬුවාවේ විය යුතුයි.

පොටෝ ෆ්‍රේම් එකේ යට ඉඩ ඉතුරු බව දැක සැනසිල්ලක් ඇතිවිය. මල්ලිලා තව ඉන්නවා වාගේ.
RaviMay 1, 2011 at 9:34 AM
අපූරුයි තිස්ස, නැවත කිසිදා අත්විඳීමට නොලැබෙන එහෙත් කිසිදා මතකයෙන් බැහැරව නොයන සොඳුරු ආවර්ජනා රැසක් අවදි කලාට,
AnonymousMay 1, 2011 at 9:41 AM
දන්න කෙනෙක් ඉන්නව නම් , මේ පින්තූර ටික නම් කරල දෙන්න පිලිවලකට.
PaliMay 2, 2011 at 4:34 AM
ජීවයේ පැවැත්මට ස්වභාව ධර්මයා විසින් ජීවීන්ටත් පරිසරයටත් කාවද්දා ඇති නියාමයන් ජීවයේ පැවැත්මට යෝග්‍ය වුවත්, ඉන් සියළුම ජීවීන්ට සියළු දේ සමානව නොලැබීමත් එමෙන්ම එම පැවැත්ම උදෙසා ජීවීන් කොටසකට දුක් විඳීමට සිදුවීමත් සොබාදහමටත් දුක නොහිතෙන දුක්බර යතාර්ථයක්.

එම යතාර්ථය හා අනුගත නොවී, සොබාදහමේ නියාමයන්ට එරෙහිව පොරබදපු ජීවීහු.....විටෙක අන් ජීවීන්ගෙ ප්‍රසාදයටත් විටෙක නින්දාවටත් පත්වී අවසන සොබාදහම හමුවේ පරාජය වූහ.
Sujeewa KokawalaMay 3, 2011 at 5:35 PM
@කතන්දර

හදවත් කිව්වේ මල්ලිගේ නොවෙයි. මේ "මල්ලිලා" කතා කරන්නේ අනුන්ගේ හඬන හදවත් වෙනුවෙන් නේ.

@පාලි;

ඔය මතයම තමයි මාත් දරන්නේ. සමාජවාදය කියන්නේ, ලෝක අසාධාරනය දැක ඇතිවන මානසික ගැටුමට පිලියමක් ලෙස තමන් රවටා ගන්නා ෆැන්ටසියක්.
ලකී වික්‍රමසිංහMay 10, 2011 at 9:32 PM
ස්වර්ණලතා කවීශ්වර මහත්මියගේ "පියවර ගැටෙනා හඬින් පවා මට ඔබ හඳුනාගත හැකිනම් " කියන ගීතය තියෙනවද?
ශ්‍රීමාල්March 26, 2012 at 7:49 AM
මම කැමතිම ගීතවලින් එකක්. රුක්මණී දේවිගේ හඬ මා වශී කලා.
SudasingheMay 1, 2016 at 9:10 AM
අගෙයි.

HarithaMay 1, 2016 at 10:47 AM
අද මූණ පුම්බාගෙන කියන නර්මාලාප වලට වඩා අර්ථාන්විත මෙවැනි ගීත ඔල්මොරොන්දම් තරුණ පරපුර කවදානම් රස විඳී ද